Visita Xeriátrico
O alumnado de 6º visitou unha residencia da 3ª idade, para desexarlles un Bo Nadal e cantarlles unhas panxoliñas a voces e ukeleles que aprenderan.
Xogando co Atletismo en Expourense
Alumnado de 4º e 5º de Primaria acudíu ás pistas de atletismo en Expourense para unhas divertidísimas xornadas ca aprendizaxe deste fermoso deporte: o atletismo.
Aula da Natureza
O alumnado de 3º de Primaria visitou a Aula da Natureza en Oira. Alí participaron nunha actividae sobre a reciclaxe onde aprenderon sobre a problemática medioambiental. Ademáis, tivemos a oportunidade de facer varias manualidades. Definitivamente, foi unha mañá moi divertida.
3 D ( Día Internacional das persoas con Discapacidade )
O 3 de Decembro, celebramos a diversidade que nos fai únicos e reivindicamos un mundo máis inclusivo e accesible para todos. A discapacidade non define ás persoas, senón a súa forza, os seus soños e o seu talento. Xuntos, podemos derrubar barreiras, construir pontes e avanzar cara a unha sociedade onde cada persoa teña as mesmas oportunidades de brillar. Porque o importante non é o que nos limita, senón o que nos une. 💙Dende o Polo Creativo sumámonos a este día tan sinalado cunha actividade ben atractiva. Ademáis, 3º,4º, 5º e 6º de Primaria, acudiron á Praza Maior, nun encontro con varios colexios da cidade, onde se quixo lembrar e reivindicar a importantísma labor no mundo de persoas con discapacidade.
Día da Infancia
Celebramos unha data tan sinalada no noso calendario , o Día da Infancia. #DiaDaInfancia #DíadelaInfancia
Xeocharlas na ESO
Tivemos a visita do xeólogo Eduardo González Clavijo, pertencente á Sociedade Xeolóxica de España, quen nos falou dos conflictos dos recursos no marco do programa Xeocharlas. #Geocharlas
OUFF ESCOLA
O alumnado de 4º de ESO asistíu a ver o filme galego » As Neves», dentro do programa OUFF ESCOLA. #Ouffescola
Cross Monterrei
Coma todos os anos, o colexio participou no Cross de Monterrei, onde se acadaron moi bos resultados e altísima participación, nunha xornada na que acompañou o bo tempo. Parabéns a tod@s os participantes de Primaria e ESO.
Formación do Profesorado
Gabriel e Raquel de Cruz Vermella Ourense, impartiron ao profesorado do colexio, un curso sobre Acoso Escolar.
Programa «En Redes»
Como colofón á nosa participación no programa En Redes, os alumnos de 2º da ESO tivemos a ocasión de participar nunha tertulia radiofónica na Cadea Cope na que poidemos conversar con Manuel Pardo, Delegado Territorial da Xunta de Galicia en Ourense, abordando diferentes cuestións referentes á prevención da violencia de xénero. A temática nesta ocasión centrouse nas profesións feminizadas e masculinizadas.Foi unha experiencia moi amena e enriquecedora que esperamos repetir nos próximos anos.Grazas á Federación de ANPAS de Centros Concertados e Privados da provincia de Ourense por brindarnos a ocasión de poder participar nesta interesantísima actividade.
